Is eagraíocht iad 'Fighting Words na Gaeilge' a chuireann ceardlanna scríobhneoireachta ar fáil saor in aisce do dhaltaí bunscoile, daltaí meánscoile agus do ghrúpaí pobail eile. 

​

Tháinig Máire Treasa Wyndham suas chugainn i nGaoth Dobhair anuraidh le roinnt ceardlanna a dhéanamh le bunscoileanna an cheantair. D'oibrigh na scoileanna uilig le chéile le leabhar a scríobh dar teideal 'Trioblóid leis an Ór'. 

​

Chuir Scoil Phádraig, Dobhar tús leis an scéal. Lean Scoil Chonaill, an Bun Beag ar aghaidh ansin leis an dara caibidil. Scoil Mhuire, na Doirí Beaga a bhí i mbun an tríú caibidil. Chuir Scoil Bhríde, Mhín an Chladaigh an ceathrú le chéile agus chuir Scoil Adhamhnáin, an Luinnigh deireadh leis an scéal. 

​

Míle buíochas ag dul do Bríd Treasa Wyndham ó Fighting Words na Gaeilge a chuir obair mhór isteach ag déanamh na ceardlanna uilig leis na páistí chomh maith le Denis, Anne agus Joe ón leabharlann a lig dúinn a gcuid áiseanna a úsáid le cois cuidiú mór a thabhairt dúinn le dearadh an leabhair.

 

Buíochas mór tuillte ag Máirín Uí Fhearraigh ar son an clóscríobh agus do Fran Ó Baoill ar son an ealaín ar dóigh. Ní amháin sin, ach tá buíochas mór tuillte ag na múinteoirí agus na príomhoidí uilig a ndéanann obair ar dóigh leis na páistí le linn na bliana agus a fhorbraíonn samhlaíocht na páistí sa dóigh is go dtig leo scéalta mar seo a scríobh.

​

Tá buíochas mór tuillte fosta ag John Shéamuis agus Michael ó Comhairle Contae Dhún na nGall a bhí i láthair ag an seoladh chomh maith le Carmel agus Dolores ón ETB. Buíochas speisialta don scéalaí clúiteach as Rann na Feirste Brídanna Ní Bhaoill a roinn a cuid ama go fláithiúil leis an scéal a sheoladh go hoifigiúil.

​

Tá sé galánta an deis a thabhairt do na páistí óga seo a gcuid samhlaíocht a úsáid. Tá éacht dochreidte bainte amach ag na páistí mar gheall gur scríobhneoirí iad uilig anois agus tá súil againn nach beidh seo an leabhar deireanach a scríobhfaidh siad!